Baje Dil Ma Gittar छत्तीसगढ़ी गीत
Title – Baje Dil Ma Gittar बाजे दिल मा गिटार (छत्तीसगढ़ी गीत)
Writer – Jai Deshlahare (जय देशलहरे)©
Mo. Nu.- 8719011656, jaideshlahare123@gmail.com
मुखड़ा -
(M) दिल मा गिटार सजनी,....दिल मा गिटार ओ।
टन - टन..टन - टन बाजे, दिल मा गिटार ओ।
सुन्ना मंझनिया आबे पीपर तीर खार ओ ।
छईंहा म बईठ के करबो, दूनो आंखी चार ओ ।
(F) दिल मा गिटार सजना,....दिल मा गिटार गा।
टन - टन..टन - टन बाजे, दिल मा गिटार गा,
सुन्ना मंझनिया आहूं पीपर तीर खार गा ।
छईंहा म बईठ के करबो, मया अऊ दुलार गा ।
(M) दिल मा गिटार सजनी,....दिल मा गिटार ओ।
टन - टन..टन - टन बाजे, दिल मा गिटार ओ।
(१) (F) बईंहा म भर ले मोला आठो अंग लगा ले ।
जीनगी के नई हे भरोसा, मोला संग लगा ले ।
(M) का मोहनी डारे हवस, का करे जादू ।
मन मोर बस म नई हे होवाथे बेकाबू ।
हँस - हँस खेल बो गोरी अऊ मुस्की ढार ओ ।
दिल मा गिटार सजनी,....दिल मा गिटार ओ।
टन - टन.. टन - टन बाजे, दिल मा गिटार ओ।
२) (F) नींद बैरी आवत नई हे रतिहा पहागे ।
अंगना म चिरई चिरगुन मया गीत गाथे ।
(M) घेरी - बेरी उमड़त हावे मन मे पिरितिया ।
रात - दिन निहारंव सजनी तोरे सुरतिया |
तोर बर ले हंव गोई सोन्ना के हार ओ ।
दिल मा गिटार सजनी,....दिल मा गिटार ओ।
टन - टन.. टन - टन बाजे, दिल मा गिटार ओ ।
३) (F) आँखी के पुतरी तैंहा, मोर मन के मीत रे ।
देख ही जमाना संगी तोर - मोर प्रीत रे ।
(M) कबीरा के बानी सुन ले मीरा के गाना ।
मया पीरीत के रे संगी बैरी हे जमाना ।
वेद अऊ कुरान बखाने मया गीता सार ओ ।
दिल मा गिटार सजनी,....दिल मा गिटार ओ।
टन - टन.. टन - टन बाजे, दिल मा गिटार ओ,
Comments
Post a Comment